كيفكم يا أحلى أعضاء
إن شاء الله تكونو بخير و صحة و عافية
أكلتنا اليوم اللازانيا و ما أدراكم ما اللازانيا
كتير كتير بحبها بجد و ما بزهق منها مهما عملتها و سهلة عفكرة ما بتاخد وقت كتير
المهم نفوت بالموضوع و طبعا بدكم تعذروني بصراحة ما صورتش المقادير
لأني للأسف ما لحقتش فا حا تشوفو الأكلة مع المقادير و المكونات و التطبيق
نبدأ على بركة الله
بسم الله الرحمن الرحيم
هاي اللازانيا سلقتها طبعا بتعرفو كيف تسلقوها كأنكم بتسلقو المكرونة بالضبط يعني بتحطو بمية السلق ملح و زيت عشان ما تلزق و هنا بدي أقلكم مولاحزة زغيرررررررررة بخصوص السلق يا حلويين يا أمامير لما تسلقوها نصيحة ما تحطو علبة اللازانيا كلها مرة وحدة عشان ما تلزقش معكم يعني اسلقوها على دفعات
و هاي صلصة البيشاميل و أكيد بردو عارفين طريقتها بتجيبو أصبع زبدة و أربع ملاعق دقيق أول اشي بتسيحو الزبدة و بتحطو الطحين و بتقلبوهم مع بعض بعدين بتحطو 2 ليتر حليب سائل ( لأنه اللازانيا بتحتاج لكمية بيشاميل وفيرة ما شاء الله ) و بتضلو تقلبوهم منيح بالمضرب اليدوي لحتى ما تكتل معكم و بتحطو ملح و فلفل أبيض و هادا منزرها بعد ما عملتها
و هاي صلصة البولونيز طريقتها انه بتقلبو اللحمة مع بصلتين مفرومتين و حبتين تومة مفرومتين أيضا و بعدين يتحطو علبة صلصة و ملح و بهارات اللحمة المعروفة و بتحطو بعدين مية عشان الصلصة تتسبك و بتخلوها تغلي منيح تقريبا خمس دقايق و بتطفو النار
و هادا منزرها
هلقيت نبدأ بالتطبيق بتجيبو صينية أو بايركس ( يفضل الصينية تكون مطاولة عشان نفس شكل اللازانيا )
المهم بتحطو أول طبقة و هيا عبارة شوية من صلصة البيشاميل لحتى تغطي سطح الصينية و شوية من صلصة البولونيز هيك
بعدين طبقة لازانيا
بعدين فوق اللازانيا بتحطو بيشاميل بكمية وفيرة و كمان مقدار من صلصة البولونيز و رشة جبنة موزاريلا هيك
و هاكزا بتكررو الطبقات و كله طبعا بيعتمد على الكمية اللي انتو عاملينها أو الكمية اللي بدكم اياها
المهم آخر طبقة تكون لازانيا و صوص بيشاميل و جبنة موزاريلا فقط وهادا منزرها قبل التحمير
بعدين بتحطوها بالفرن يكون حامي لمدة ربع ساعة تقريبا بعدين بتحمروها على الشواية و هادا منزرها النهائي
و هاي قطعة منها منظر من الأعلى
و هنا منظر من الجنب
و بس بهيك بنكون خلصنا
أتمنى إنها تعجبكم و تحوز على رضاكم
و في نهاية الموضوع و من باب من لم يشكر الناس لا يشكر الله
الشكر لله أولا
الرئيسية 
أحدث الصور 
